لا والله الا شدو

لا والله إلا شدو البدو يـ النون
مرحانهم تذري عليها الذواري

وانا هقيت ان العرب ما يشدون
واثر العرب طاري عليهم طواري

قلبي عليهم صار جمره وغليون
مانيب لا بايع ولانيب بشاري

وين انت عني يا بعد كل مزيون
الدار ما خليت فيها مواري

ما قلت لهلك يا وليفي علي هون
لي صاحب(ن) غايب ولاهو بداري

لو قلت بـ الله ريحو لا تروحون
كان المساري تقتفيها مساري

مير البدو من طبعهم ما يطيعون
لا صنفو يتلون سفن الصحاري

العام انا وانته نفر الدركسون
والكل منا فـ المحبه يماري

واليوم انا في الكون والزين في كون
حسبي علي راع الطريق الجباري

ما دايم(ن) إلا الله ولا الخلق يفنون
هذا صحيح الترمذي والبخاري