رفت بيدي الجرح بس

رفت بيدي الجرح بس ماصحت آخ
جلد خلگي صلب واتهابني الأبــــره
آنة چفوفي سنابل لكن من اختـاض
أطـــم بيهـــن جبل لوماعرف گــدره
عـزم بيّه وخلگ وأخـــــلاق ناعور
أضل اترس وابدي الخاطر الشجره
طبع بيّه ســـفينة ومن يغثني الروج
اشگ صـــدر البحر وبخدّه اصطره
مامحتــاج رايك لو رحت للـــــموت
المعاشر اسُود بـــراسة الف فــكره
لتغرّك النـــــــار البيّـــــه والدخّان
لان هيچ البخور ايكضّي كل عمره
بـس لله انحنـــي وما أشكي للناس
والبگصتي محـــيط ولاتضن گطره
أصيل وصوتي يصــدح بالدواويين
أبن خير ومضايف دلتــــــي حمره
ماصاحب صديج ايدوّر اشكـــــــال
كون ابچلمــــته مايجرح الفقــــــره
آنه ابن العـــــراق وأمـــــــــي بغداد
يضل ســرّ إنتمائي بلفــّة الغتـــــره