ليش قلبك يا بعد عمري حزين

ليش قلبك يا بعد عمري حزين ........والله مو بلايق عليك هالزعل

ياحلاتك يوم انتي تضحكين ..........افتحي قلبك وقولي ايش حصل

من تجرأ من قطف هالياسمين............من حرمه الزين قبل ما يكتمل

من كسر قلبه وشعوره بكلمتين............ويدري قلبه للعتب ما يحتمل

من هو ارخص قيمة الغالي الثمين............ويدري انه في عيوني له محل

ومن يقول الحب ما يقطر حنين ............ومن يقول انه وسط قلبي ذبل

يالله قومي يالله لا تتكسيلين......... خلي حلمي وياك يوصل لزحل

يالله قومي ياللله لا تتشاورين ......... خلي حبنا يكون للعالم مثل

قالت اصبر قلت انتي تامرين .........وطالعتني بعين يملاها الوجل

ولا اراديا ذرفت دمعتين................وقالت ان الزين ابد ما يكتمل

قلت قوليلي ترى سرك دفين ..........ما باخبر حد لو مهما حصل

بس دخيلك ما ابي هالدمع يبين .........مو بعشان شي بس والله ما احتمل

طالعتني وقلت لها شتطالعين .............ما في داعي للعواطف والخجل

هاذا مو بوقته في وجهي تسرحين ............جاوبي احساس قلبي اللي سئل

قالت الشده بعد فتره تلين.............والفرح يقبل اذا باقي امل

والشقا لازم في يوم انه يهين..............والصعب يجيه وقت يكون سهل

قلت لها قوليلي ولا تلمحين.............ما احب اسمع كلام به جدل

قولي ايش الموضوع اذا انك تسمحين ................وخل الخوف اللي فيني يرتحل

قالت اهلي ساوموني بدرهمين ................وقررو انهم يزوجوني بعجل

جاء خطبني شخص بعمري مرتين ..............وجابو المأذون والعقد اكتمل

وافقو لانهم بماله طامعين...........وبالتجاره والمراكز والفلل

ليش لا دام انهم رابحين .............يمكن انهم يطلعون بكم محل

قالت الحقني الحقني ومد لي هاليدين..............ضاع فكري وطار من راسي العقل

من لي غيرك اشتكيله يالضنين....................عطني رايك عطني لو درة امل

صرت انا وياك ضمن التايهين................والحزن في دربنا توه استهل

ليش يادنيا في ويهي تعبسين...........حظي المايل نتى بس ياربي يعتدل

قالت تكلم ولو بس جملتين......................لا تتم ساكت ترى وردي ذبل

قولي اي شي قولي لو كلمتين...................وانت اللي بس لامره امتثل

صدمتى كانت معاها صدمتين.................صدمتي كانت في هالمره دبل

كنت باسالها ايش رايك تملكين......................دام خذنا الدبله والحب اكتمل

ما نطقت بشي وانا ميت حزين....................والدمع من فوق وجناتي همل

قمت اشاهق ما ابي نوحي يبين..................كني خيل باعلى صرخاته صهل

قمنا نطالع بعض عين بعين........................ما تكلمنا الين الليل حل

قالت انطق لا تقول انزين انزين....................وانا ساكت والفرح عني رحل

كنت اظن احنا لبعضنا مكملين....................ما دريت الحظ عاند بالفعل

كنت انا وحدي بعالمها سجين.................وكنت اقول الحظ اخيرا اعتدل

قلت لها اذكر كلامك للحين...................يوم تقولولي تراك احسن رجل

صحت فجاه وقلت لها تذكرين................يوم كنا نخطط لشهر العسل

قلت عشاني قومي ولا تزعلين..................وارضي بالواقع دام انه حصل

اسمك بيبقى وسط قلبي دفين.................والقمر لازم بيوم يكتمل

والله بافرح دام انتي بتفرحين...............يالله خلينا بعرسك نحتفل

واصفعتني كف على الخد والجبين ................وقالت انت قاعد تكلم طفل

قلت لها وصوتي بنبراته حزين ...................اوعديني هالزعل اخر زعل

لان قلبك ينعرف يوم تزعلين ................والله مو بلايق عليك هالزعل

ومهما ناديتك ابد لا تجاوبين .................قصة الحب انتهت مات البطل

افترقنا بعد كل هاذي السنين.................وللاسف حبنا في هالمره فشل

انتهى مشوار احلى عاشقين....................كلن بدربه لكن ما وصل

وكل واحد بينسى مع مر السنين................لكن الذكرى امرها مو بسهل

لين اخر يوم في عيني تسكنين..................وريك نبقى مثل بدر اكتمل

في بعض الاوقات اقعد مستكين..................بس افكر لين يذبحني الملل

بالفعل قطفو زهور الياسمين.....................قطفوالزهره قبل ما تكتمل

» ياحظ لي سكن قلبك
» ويمضي العمر.. يا عمري
» اخذت ايام عمري وسافرت لبعيد
» أهواك يا عمري وعمري ابتدأ لحظة لقاك
» صار قلبك قاسي وقلبي